Nunjukin Komitmen
MPOK Wati keliatan gembire. Jande boto lulusan Al Azhar, Mesir yang sukses berobah haluan jadi entrepreneur kuliner Betawi, itu bercahaye mukenye.
Waktu masuk ke warungnye, para pelanggan ngeliat, cahaya memancar di wajahnye. Senyumnye bikin wajah Mpok Wati keliatan lebih muda dari usianye yang di atas 50 taon.
“Romannye lagi seneng hati nikh,” goda Koh Aming yang lagi ngenikmatin Gabus Pucung, di meja pojokan warung.
“Mpok Wati dari mane?” tanya Cici Cai yang duduk di sebelah Koh Aming, lakinye.
“Saye baru ngedengerin Pidato Politik Agus – Sylvi,” ujarnya sambil duduk di dekat Cici Cai.
“Eh.. ade salam buat Cici dari Ci Nio ame Ci Melan..,”ujar Mpok Wati sambil mesem ke Cici Cai.
“Koh Afung juga salam tuh buat Koh Aming,”lanjut Mpok Wati.
“Ketemu di mane?”tanya Cici Cai.
“Di tempat Agus Sylvi pidato tadi. Cici Nio, Cici Melan, ame Cici Koh Afung dateng tuh ame rombongannye. Bikhu-bikhu juga ade tuh.”
“Koh Lius ade?” sambar Koh Aming.
“Ade.. Kayak biasa deh.. Koh Lius kalo lagi biasa-biasa aje, banyak mesem.. kagak melotot-melotot,”balas Mpok Wati.
“Koh Lius emang kayak begitu. Tapi kalo ude ngomong Sumber Waras.., ude deh.., matanye melotot. Maklum deh Mpok, hopeng-hopeng di Chandranaya kan banyak disakitin atinye..”
“Disakitin ame siape Koh?”
“Ame siape lagi kalo bukan yang nyomot begitu aje tuh rumah sakit.. Belakangan, kite-kite dari beberapa fam, sakit hati juga tuh ame kelakuan si chang swei..”
“Siape tuh?”
“Masa Mpok kagak tahu sih.. kalo anak-anak sekarang sih nyebutnye keren: the dirty mouth..”
“Ooo.. die..”
“Ngomong-ngomong, Agus – Sylvi janji ape, sampe Mpok keliatannye gembire banget..”
“Justru Mas Agus ame Mpok Sylvi kagak ngobral janji, jadi saye gembira ria..”
“Mpok Wati cerite dong..” sambar Koh Aming.
Mpok Wati lantas cerita. Dia bilang, Mas Agus ame Mpok Sylvi cuman nunjukin komitmen ame maparin rencana program aksinye soal pelestarian dan pengembangan budaya Betawi. Pasangan nomer urut satu, ntu.., ngejawab sejumput harapan kaum Betawi.
“Koh Aming ame Ci Cai kan tahu ye.. kaum Betawi kan cuman minta pemerintah provinsi DKI jakarta ngopénin doang. Nggak nuntut macem-macem..,”kate Mpok Wati.
Koh Aming ame Cici Cai manggut-manggut.
“Wah bener tuh. Jangan kaya si anu ya.. yang ngajak konrontasi kaum Betawi,”sambung Koh Aming.
Lantas, Mpok Wati cerita. Mas Agus ame Mpok Sylvi, bener-bener nunjukin dirinye emang pemimpin sekaligus pelayan rakyat yang tegas tapi adem. Kate Mpok Sylvi, Mas Agus bukan tipe pemimpin yang gampang marah-marah. Gampang mengumpat kanan kiri. Akhlaknye cakep.
“Saye ampe terkesima Ci. Omongannye masuk di akal, masuk di hati. Kalo belon punya bini, pasti saye uber tuh buat jadi mantu..,”ungkap Mpok Wati, bikin Koh Aming dan Cici Cai mesem.
“Saye jadi inget mata kuliah soal kepemimpinan dulu,”ungkap Mpok Wati. “Pemimpin itu, selaen kudu dapet dipercaya – amanah, bener – shiddiq, pinter – fathonah, ame bisa komunikasi becara beradab – tbaligh, juga kudu paham sejarah,”ungkap Mpok Wati, nyerocos.
“Waktu saye kuliah, saye belajar tuh teorinye Marcus Garvey. Kare si marcus nikh.. pemimpin yang kagak tahu dan kagak mao tahu sejarah, asal usul, ame budaya masyarakat yang dipimpinnye, dia kayak pohon gak punya akar. Gampang tumbang..,”ujar Mpok Wati.
Koh Aming ame Cici Cai mesam-mesem.
“Kokoh ame cici jangan cuman mesam-mesem. Paham kagak yang saye ngomong?”
“Paham.. Mpok.. paham..,”jawab Cici Cai.
“Saye juga belajar tuh teorinye Paulo Coelho. Budayawan dari Brazail ntu ngomong, kalo pemimpin tahu budaye masyarakat yang dipimpinnye, dia bakal jadi pemimpin yang berbudaye.”
Koh Aming dan Cici Cai menyimak.
“Budaye,”kate Mpok Wati ngucapin ulang pendapat Paulo, “bikin orang saling memahmi satu dengan laennye. Saling pengertian ntu yang bikin jiwa mereka menyatu. Kalo jiwanye ude satu, kagak susah buat pemimpin ngatasin masalah ekonomi dan politik.
Koh Aming dan Cici Cai keliatan kagum ame Mpok Wati. “Ngomong-ngomong Mpok Wati kagak jadi tim sukses ape relawannye Mas Agus ame Mpok Sylvi, gitu..”tanya Cici Cai.
“Saye cukup jadi relawati aje, sesuai ame name saye. Pendukung kebaekan yang ikhlas,”balas Mpok Wati.
Lagi, Koh Aming dan Cici Cai mesam-mesem.
“Sual gimane ngedukung Mas Agus ame Mpok Sylvi, saye ngikutin Mpok Nunung, Bang Beky, ame Bang Maola, yang pengalaman sual beginian. Tapi, di majelis taklim masjid, saye bakal ngomong.. Pan saye ngisi seminggu sekali..”
Lagi asyik ngobrol, masuk Bang Icoel. Mpok Wati nyambut dengan gembira. Bang Icoel yang mesemnye keliatan hensem, langsung duduk di samping Koh Aming.
“Keliatannye seru bener nikh ngobrolnye,”cletuk Bang Icoel sambil duduk. “Mpok sediain Pindang Bandeng ame nasi uduk ye..,”ujar bang Icoel.
“Siap bang Icoel.. Kagak mao semur Permata Bunda?”
“Nggak dulu.. Pindang Bandeng aje..”jawab bang Icoel.
Mpok Wati buru-buru nyiapin menu masakan pesenan Bang Icoel yang keliatan langsung ngobrol ame Koh Aming.
“Bang Icoel kagak ikut jadi tim suksesnye Mas Agus – Mpok Sylvi?”
“Kagak koh.. pan saye PNS. Pegawai Negeri Sipil, polisi, ame tentara kagak boleh berpihak di Pilkada..” jawab bang Icoel.
“Masak kagak ade nyumbang pikiran?” tanya Koh Aming.
“Kalo sual itu. Pasti Koh. Masa’ ane kagak ngedukung Mpok Sylvi. Pan cuman die satu-satunya yang Betawi Asli..”
“Mpok Sylvi bukan cuman Betawi asli Koh.. dia atu-atunye perempuan, atu-atunye juga yang Betawi-nye murni. Atu-atunye juga yang ude ngabdi ame kite-kite tiga puluh satu taon, perempuan pertama yang sukses dipercarain sebelas jabatan selama tujuh gubernur.,” samber Mpok Wati sambil naro piring nasi uduk ame pindang bandeng ke meja.
“Eh ngomong-ngomong bukan kagak sopan nikh.. Saya dan Cici Cai ke pasar dulu ya.. Nengok toko..” ujar Koh Aming. Cici Cai membuka dompet dan membayar makanan yang tadi dia nikmati.
“Jangan lupa ye Koh.. Ci.. pilihnye yang nomor satu aje..” ujar Mpok Wati.
Koh Aming dan Cici Cai meninggalkan warung. “Bang Icoel tadi saye panggil-panggil melengos aje..”ujar Mpok Wati.
“Wah maap deh Mpok. Mpok manggil saye di mane..”
“Tadi di depan kelurahan, waktu ngasih tahu si Maing.., pemimpinnye Pasukan Orange.. jangan kuatir.. Pasukan Orange kagak bakal dibubarin ame Mas Agus dan Mpok Sylvi. Malah mao ditingkatin peran dan kesejahteraannye,”balas Mpok Wati.
Bang Icoel mesam mesem sambil nikmatin Pindang Bandeng. Mpok Wati masuk ke dalem rumahnye, mao ganti baju.. |
