Kelebu
JAM sudah menunjukkan pukul 21.00 wib. Tapi Mpok Wati belum juga pulang ke rumah. Fadil, asisten Mpok Wati kelihatan gelisah. Dia buru-buru menutup warung.
Fadil mendekati Bang Idrus yang sedang menghabiskan kopinya.
“Bang Idrus.., sampe ginihari Cing Wati belon juga pulang, kenape ye?”
“Ude ditelepon belon?”
“Tu die bang. Ude lebih enem kali saye telepon kagak nyambung-nyambung. Hapenye lobet kali ye”
“Bisa jadi juga... Ude deh.. kalo gitu gue cabut dulu..”
“Jangan Bang Idrus. Tadi, waktu berangkat abis abis lohor, Cing Wati pesen.. ni malem die mo ngomong ame abang..”
Darah Bang Idrus mendesir..
“Oke.. kalo gitu gue duduk di bale aje.. Lu tutup deh ni warung,” ujar Bang Idrus.
Dari kejauhan kedengeran suara motor Koh Aming. Die ngeliat ke arah warung, terus berhenti. Sambil nangkring di atas motornye, Koh Aming tereak.
“Bang Idrus ngapain di situ? Nungguin Mpok Wati?”
“Iye.. Koh.. Dari abis lohor die pergi belon pulang juga..”
“Pergi ke mana? “
“Katenye sih ke Kemang..”
“Kemang?”
Fadil yang ngedenger percakapan Bang Idrus ame Koh Aming terus keluar, nyamperin Koh Aming.
“Bener Koh.. Cing Wati pegi ke Kemang ke rumah ustad Nasrul..,” kate Fadil.
“Kalo bener Mpok Wati ke Kemang, pasti pulangnya malem,”ujar Koh Aming, sambil menstandar motornya, terus berjalan ke bale.
“Emangnye kenape koh?” tanya Fadil.
“Kemang banjir.. banyak banget mobil tenggelam..,” ungkap Koh Aming sambil duduk di Bale.
“Kemang kelebu? Masaak ujan cuman segitu aje sampe Kelebu? Kemang kan di Selatan.., tinggi..” ungkap Bang Idrus.
“Kalinye meluap Bang..,”jelas koh Aming.
“Gak sekalian aje kantor Walikota kelebu..” cletuk Bang Idrus.
“Koh Aming mo minum?”tanya Fadil.
“Iyah.. bikinin teh pait aja, Dil..” jawab Koh Aming.
“Kalo kali sampe meluap.., pasti ade yang gak bener tuh.. Pasti gara-gara jalan aer deket kuburan dibangun mal ame apartemen.. Padahal, saluran makin sempit..” ungkap Bang Idrus.
“Kayaknya sih begitu Bang. Penataan ruang di wilayah itu kayak gak keurus. Aer susah ngalir ke mana-mana jadinya,”balas Koh Aming.
“Omongan lu bener Koh. Gak kebayang deh.. ude di jalan antasari ketimbris beton buat fly over, cekungan tempat saluran aer jaman dulu, ude jadi mal ame apartemen.., ya begitu deh jadinye..,”ucap Bang Idrus.
“Nih kota makin hari kayak gak pernah diurus ya Bang. Abis ini, paling yang kita denger, yang salah kalinya, kenapa menciut..,”cletuk Koh Aming. Fadil mengantarkan tes dan meletakkannya di atas bale.
Bang Idrus ngakak. “Makanya Koh.., kite kudu punya pemimpin yang care ngurusin yang kayak beginian. Jangan ngoceh nyalahin orang melulu. Die kudu turun, ngecek situasi,” lanjut Bang Idrus.
“Bang Idrus gimana sih? Gimana mao turun ke lapangan, kalo hati kecilnya was-was..”
“Kenape musti was-was Koh? Emang salah ape die..”
“Pertanyaan Bang Idrus gak perlu dijawab. Ditanya aja gak perlu..”
“Pure-pure dalem perahu, Kure-kure belagak gak tahu,” cletuk Fadil.
Idrus, Koh Aming dan Fadil tertawa.
Tiba-tiba hape Bang Idrus berbunyi. Dia ngeliat screen-nye bentaran. Ade nomor kagak ade namenye. Rada ragu juga dia ngejawab. Tapi instinknya nyuruh dia ngejawab..
“Halo.. halo.. Assalamu’alaikum Bang Idrus. Maap ye.. Wati kayaknye kagak pulang bang. Kemang kelebu. Rume ustad Nasrul juga kelebu, ampir sedengkul.. Saye kepaksa nginep di rumah Mpok Yasmin di pojokan Jalan Abdul Majid,” terdengar suara, mirip suara Wati.
“Halo.. Wati gimane? Kagak ikutan kelebu? Kalo Jalan Abdul Majid kagak kelebu, pan masih bisa pulang?”
“Nggak bang ah.. Wati ngeri.. Lagian kagak ade yang nganterin. Mo lewat Cipete terus ke Jalan Haji Nawi, Wati rada ngeri sendirian..”
“Gimane kalo abang jemput? Asal kasih alamatnye aje yang bener..”
“Nggak bang ah.. ude kemaleman.. Lagian biar kaen saye kering dulu bang. Tadi basah waktu pulang dari rume Ustad Nasrul.. Maap ye Bang. Besok aje kite ketemu. Ntar Wati ceritain deh..”
“Baek deh.. Ati-ati ye..”
“Assalamu’alaikum..”
“Waalaikumsalam..”
Koh Aming memandang wajah Bang Idrus yang keliatan gembira.
“Bang Idrus romannye gembira banget nikh..,”cletuk Fadil.
“Ya gembiralah Fadil.. Gimana kagak gembira, dapet telepon dari pujaan hati..” cletuk Koh Aming.
“Bukan cuman pujaan hati koh.. permate hati..,”balas Bang Idrus.
“Koh.. Dil.. kalo gitu gue pulang dulu deh..” ujar Bang Idrus.
“Bang idrus bareng saya aja.. Saya boncengin..” kata Koh Aming..
“Rume gue cuman sejengkal dari sini.., biar jalan kaki aje Koh..,”ujar Bang Idrus sambil berjalan. Tangannya masuk ke dalam saku. Terdengar dia bersiul, senandung irama lagu Renungkanlah yang dipopulerkan Mashabi.
Koh Aming melintas dengan sepeda motornya, dan tak sempat Bang Idrus bersenandung: Rasa cinta pasti ada / Pada makhluk yang bernyawa / Sejak lama sampai kini / Tetap suci dan abadi / Takkan hilang selamanya / Sampai datang akhir masa../ Renungkanlah... // Perasaan insan sama / Ingin cinta dan dicinta / Bukan ciptaan manusia / Tapi takdir yang kuasa / Janganlah engkau pungkiri / Semua yang Tuhan beri.. / ...Renungkanlah//
