Ibukota Jakarta, Mane Emaknye

| dilihat 2512

WARUNG Nasi Uduk dan gorengan Mpok Rojané di pojokan Kampung Kecil – Kebayoran Lama, kayak biasanye: rame pengunjung. Hari Minggu kemaren (13/3/16), sampe ba’da Ashar, masih banyak ajé yang dateng.

Belakangan, pengunjung yang dateng bukan lantaran Gabus Pucung, Semur Jengkol, Pindang Bandeng, Sayur Ketupat, Gorengan, ame sambel Jande Ngamuk yang bikin orang dateng ke situ. Tapi juga, lantaran tuh warung ude berobah jadi ‘Pusat Informasi dan Diseminasi Berita Hot’ kagak resmi. Terutama, soal Pilkada DKI Jakarta, yang bakal digelar taon depan (2017).

Belakangan, pengunjung yang dateng bukan lantaran Gabus Pucung, Semur Jengkol, Pindang Bandeng, Sayur Ketupat, Gorengan, ame sambel Jande Ngamuk yang bikin orang dateng ke situ.

Biasanye, abis Lohor, di Warung ude keliatan Mpok Wati – anaknye Mpok Rojane --, jande bening yang lumayan gaul. Mangkenye, jam-jam segitu, ude keliatan juga di warung beberape dedengkot. Sebut aje, Bang Pendi yang belakangan lagi getol-getolnye ngaji segale ihwal. Lantas Bang Maing, bisnismen mude. Ade juga Bang Nasir, pengamat yang rajin ngamatin segale hal, dari soal beternak itik sampe urusan politik.

Kalo Jum’at, yang rajin ngendon di situ Bang Sani ame Bang Duloh. Kalo hari Minggu, lebih rame lagi. Ade Bang Benny, Koh Aming, Cici Cai, Wan Segaf ame bininye: Syarifah Habsy.  Minggu kemaren, semue ade di situ.

“Bang Pendi.., ngomong-ngomong soal Pilkada 2017, politisi pade kagak ngeh kali ye… DKI Jakarta itu kan ibukota.. bukan bapak kota.. Ude dua bulan eni, yang abang-abang, kokoh, wan habib, cici ame mpok saripe sebut semuenye lelaki.. Pak Ibukota, emaknye mane? “tany Mpok Wati.

Semua terdiam. Koh Aming spontan bereaksi. “Baru gue mo ngomong, ude keburuan ditanya...,” ujarnya. Semue yang ade di situ ngegerendeng. Ade juga dehem.

“Dasar lu koh.. Yang mo ngomong soal emaknye Ibukota Jakarta kan owe..” sergah Cici Cai.

Cici Cai langsung nyerocos. Dia bawa kabar, konon ada hasil survey terakhir yang khusus ditujukan kepada responden perempuan, pengen Jakarta dipimpin gak lagi ame lelaki. Tapi ame perempuan.

“Kabar yang owe denger, kalo ade calon perempuan, semua calon lelaki termasuk Ahok, bakal mikir lebih kenceng tuh..,” ungkap Cicih Cai.

“Iye.. tapi siape? Wan Ipah Habsy? Atawa Cicih Cai sendiri? Mane rela Wan Segaf ame Koh Aming ngijinin..” tanggap Mpok Wati.

Semua tertawa.

“Ah.. Mpok Wati kayak gak tahu aje. Kan kite punya tuh perempuan yang ude malang melintang di Pemda DKI. Ntu tuh…, mantan None Jakarte yang sekarang ude Propesor..,” ungkap Syarifah Habsy.

“Siape ye?“ tanya Mpok Wati.

“Duu.. segitunye.. ampe kagak tahu.. Mpok Silvy..,” tanggap Bang Pendi.

“Ooo.. Mpok Silvy yang pernah jadi Kepala Dinas Pendidikan ame Kepala Dinas Kependudukan dan Catatan Sipil?”

“Cicih Cai bener. Die juga pernah jadi Karo Binsos DKI, Walikota Jakarta Pusat, ame Kepala Satpol PP DKI. Yang saye denger sih, sekarang jadi Deputy Gubernur bidang Kebudayaan,” jelas Syarifah Habsy lagi.

“Kalo gitu kenape die kagak disebut-sebut? Bang Pendi kenal kagak? “tanya Mpok Wati.

Bang Pendi ngedehem. Bang Benny, Bang  ame Bang Duloh ikut ngedehem. Bang Maing ngelihat ke arah Bang Nasir.

“Pangamat gimane nikh? Masa kagak ade komen?” tanya Bang Maing.

“Sebenernye, dari minggu kemaren ane ude mo ngomong. Tapi, pikiran keseret ame isu-isu terbaru.. Ane pikir, Mpok Silvy boleh tuh kite dorong ikut ambil bagian. Paling kagak, jadi DKI II deh,”ungkap Bang Nasir.

“Ngapain jadi orang nomor dua? Kalo mau ngedorong jangan tanggung-tanggung..”sergah Syarifah.

“Kan kite kudu ngelihat kondisi obyektifnye.. Paling gak popularitasnye..” ungkap Bang Nasir.

“Bang.. Popularitas tuh gampang dibikin. Kalo pade setuju, ude munculin aje.. Paling gak, waktu Bang Nasir ngisi talkshow TV, sebut deh namenye..” sambung Mpok Wati.

Koh Aming, Cici Cai, Wan Segaf, dan Bang Maing sepakat dengan pandangan Mpok Wati.

“Saye setuju omongan Mpok Wati,”sambil melirik perempuan elok yang rada semok itu. Mpok Wati balik melirik sambil tersipu.

“Eeee.. tunggu dulu.. Kite tanya dulu orangnye..” sambut Bang Nasir.

“Soal beginian jangan pake ditanya.. Banyak alesannye ntar. Mendingan kte langsung action,”sambar Cici Cai.

Koh Aming lebih kongkret lagi. “Mulai Senen, semua kita ude nyebutin Mpok Silvy ye.. di mane aje.. termasuk di twitter ame di facebook,” ujarnya.

“Koh Aming mau nanggung kalo Mpok Silvy dizalimin?”tanya Bang Nasir.

“Kayak-kayaknye sih, kalo perempuan Betawi bergelar propesor ude ngerasain macem-macem jabatan, die ude pasti sering dizolimin,” balas Syarifah. “Artinye, segala penzoliman ude kagak mempan lagi. Apelagi di-bully di medsos.. cetek deh.. ”

“Baek kalo begitu. Mulain Senen, sebut aje tuh name Mpok Silvy..,”ungkap Bang Duloh spontan.

“Bang Duloh bikinin poster buat di warung sini… Ibukota Jakarta perlu Emak.. Mpok Sylvi, emaknye..,” seru Mpok Waty.

Semue sepaham. Lantas ngabisin makanannye masing-masing|

Editor : M. Yamin Panca Setia
 
Ekonomi & Bisnis
12 Mar 24, 10:56 WIB | Dilihat : 273
Nilai Bitcoin Capai Rekor Tertinggi
02 Mar 24, 07:41 WIB | Dilihat : 136
Elnusa Bukukan Laba 2023 Sebesar Rp503 Miliar
Selanjutnya
Budaya
09 Des 23, 08:03 WIB | Dilihat : 633
Memaknai Maklumat Keadaban Akademi Jakarta
02 Nov 23, 21:22 WIB | Dilihat : 781
Salawat Asyghil Menguatkan Optimisme
12 Okt 23, 13:55 WIB | Dilihat : 750
Museum Harus Bikin Bangga Generasi Muda
Selanjutnya